اسلام آباد (این این آئی)سینٹ کی قائمہ کمیٹی برائے داخلہ نے حکومت کی جانب سے کشمیر میں بھارتی اقدامات پر سلامتی کونسل سے رجوع کے اقدام کو سراہتے ہوئے کہا ہے کہ وزارت داخلہ کشمیر میں بھارتی مظالم کے خلاف انٹرپول کے سیکرٹری جنرل خط لکھے۔ بدھ کو سینٹ کی قائمہ کمیٹی داخلہ کا اجلاس سینیٹر رحمان ملک کی زیر صدارت ہوا جس میں سینیٹر رحمان ملک نے کہاکہ بھارتی وزیر اعظم نریندر مودی کے خلاف دنیا ہر فورم پر آواز اٹھائیں گے۔بھارتی وزیر اعظم جنگی مجرم ہے

اس کا ٹرائل کروائیں گے۔انہوں نے کہاکہ حکومت نے کشمیر میں بھارتی اقدامات پر سلامتی کونسل سے رجو ع کر کے احسن قدم اٹھایا۔انہوں نے کہاکہ کشمیر سے متعلق عالمی انسانی حقوق کے ہائی کمیشن کو خط لکھا ہے۔انہوں نے کہاکہ ہم بھارتی اقدامات کے خلاف ایل او سی تک جائیں گے۔انہوں نے کہاکہ سابق بھارتی وزیر داخلہ نے اعتراف کیا تھا کہ بھارت میں ہندو انتہا پسندوں کا کنٹرول ہے۔انہوں نے کہاکہ کشمیر میں مظالم کو دنیا کے سامنے رکھ رہا ہوں۔کمیٹی نے وزارت داخلہ کو کشمیر میں بھارتی مظالم کے خلاف انٹرپول کے سیکرٹری جنرل کو بھی خط لکھنے کی ہدایت کر دی جبکہ کمیٹی نے کشمیر کی صورتحال پر آئندہ اجلاس میں سیکرٹری خارجہ کو طلب کر لیا۔اجلاس میں کمیٹی نے کشمیری،پاک فوج اور ایف سی سمیت دیگر سرکاری شہداء کے لئے دعائے مغفرت کی۔آئی جی ایف سی کے پی کے میجر جنرل راحت نے بریفنگ دیتے ہوئے کہاکہ ایف سی واحد سول فورس ہے جس کے پاس جدید ترین بھاری ہتھیار ہیں۔انہوں نے کہاکہ اپنی فورس کو اعلی تربیت خود دیتے ہیں۔انہوں نے کہاکہ ایف سی کے نئے ونگز بنا رہے ہیں جس کے بعد وزیرستان کا کنٹرول سنبھال لینگے۔انہوں نے کہاکہ دنیا کا سب سے اونچا ٹینک ایف سی کے پاس ہے۔انہوں نے کہاکہ قبائلی علاقہ جات میں فوج کی جگہ ایف سی خیبر پختونخواہ کام کرئے گی۔ انہورں نے کہاکہ آج بھی دنیا میں سب سے اونچی جگہ ہمارا ٹینک کھڑا ہے،اس پر بھارتی آرمی چیف نے دعوی۱ کیا کہ ہمارا ٹینک سب سے اونچائی پر کھڑا ہے۔ انہوں نے کہاکہ ہم نے پیمائش کی اور بتایا کہ پاکستانی ٹینک بھارتی سے 700 فٹ اونچا کھڑا ہے۔ انہوں نے کہاکہ ہمارا ٹینک تورا بورا پہاڑوں کے سامنے ہمارے علاقے میں کھڑا ہے۔انہوں نے کہاکہ ہماری خواتین اہلکار بھی خدمات سر انجام دے رہی ہیں۔انہوں نے کہاکہ 45 فیصد فورس قبائلی علاقوں اور 55 فیصد باقی علاقوں سے ہیں۔