اسلام آباد( آن لائن ) پیپلز پارٹی کے چیئرمین بلاول بھٹو نے حکومت کو دھمکی دی ہے کہ اگر آصف علی زرداری کو کچھ بھی ہوا تو اس کا ذمہ دار وفاق ہوگا ، کیونکہ حکومتی ڈاکٹرز نے آصف علی زرداری کو ہسپتال میں رکھنے کا مشورہ دیا ہے لیکن پی ٹی آئی حکومت نے مشورے کی مخالفت کی ہے ۔ ان خیالات کا اظہار بلاول بھٹو نے منگل کے روز سماجی رابطے کی ویب سائٹ ٹویٹر پر کیا ۔ انہوں نے کہا کہ
والد سے ملنے جیل گیا تھا اور ان کی طبیعت ناساز دیکھی میرے والد کو بغیر کوئی جرم ثابت کئے جیل میں رکھا جارہا ہے۔ انہوں نے کہا کہ حکومتی ڈاکٹرز نے آصف علی زرداری کو ہسپتال رکھنے کا مشورہ دیا ہے لیکن حکومت نے ڈاکٹرز کے مشورے کی مخالفت کردی ہے ۔اگر آصف زرداری کو کچھ ہوا تو اس کی ذمہ دار وفاقی حکومت ہوگی جبکہ بلاول بھٹو نے حکومتی فیصلے کیخلاف عدالت جانے کا بھی اعلان کیا ہے۔
