اسلام آباد (این این آئی)وزیراعظم کے قوم سے خطاب پر سیکرٹری جنرل پی پی پی نیر بخاری ردعمل کا اظہار کرتے ہوئے کہا ہے کہ محصور کشمیریوں اور محبوس کشمیری ماؤں بہنوں کو آزادی کے لئے عملی اعلانات کی توقع تھی۔ ایک بیان میں انہوں نے کہاکہ وزیراعظم کے معذرت خواہانہ خطاب نے قوم کو مایوس کیا۔
انہوں نے کہاکہ کشمیریوں پر بھارتی مظالم کا عملی جواب بہتر اور پائیدار خارجہ پالیسی میں ہے۔انہوں نے کہاکہ ناتجربہ کار اور غیر زمہ دار حکومتی دور میں پاکستان خارجہ محاز پر کمزور ہے۔انہوں نے کہاکہ برادر اسلامی ممالک کے ساتھ تعلقات میں سر مہری ہے۔انہوں نے کہاکہ قوم کشمیریوں کے شانہ بشانہ کھڑی ہے لیکن حکمرانوں میں قومی اعتماد حاصل کرنے کی صلاحیت کا فقدان ہے۔انہوں نے کہاکہ وزیراعظم کا خطاب قومی غیرت ؤ حمیت سے خالی تھا۔انہوں نے کہاکہ کشمیریوں پر انسانیت سوز مظالم رکوانے کے لئے وزیراعظم نے کسی حکومتی منصوبہ کا تذکرہ نہیں کیا۔انہوں نے کہاکہ پیپلز پارٹی کشمیریوں پر انسانیت سوز بھارتی مظالم کے خلاف سراپا احتجاج ہے۔دوسری جانب پاکستان مسلم لیگ (ن) کے سیکرٹری جنرل احسن اقبال نے وزیراعظم عمران خان کے قوم سے حطاب کے ردعمل میں کہا ہے کہ سلیکٹڈ وزیر اعظم کا خطاب ناکام، نا اہل، بے بس اور لاچار شخص کا خطاب تھا- سماجی رابطوں کی ویب سائٹ ٹوئٹر پر اپنے بیان میں ان کا کہنا تھا کہ پاکستانی تو کشمیریوں کے ساتھ پہلے ہی ہیں انہیں گرمانے کی ضرورت سے زیادہ عالمی ضمیر کو جھنجھوڑنے اور حمایت حاصل کرنے کی ہے،اس کا کوئی نقشہ موجود نہیں – سلیکٹڈ اور ایلیکٹڈ کا فرق جان کے جیو-
