اسلام آباد (مانیٹرنگ ڈیسک) رکن قومی اسمبلی اور ن لیگ کے رہنما رانا ثناء اللہ اور ان کے فیملی ممبرز کے اثاثوں کی تفصیلات ایک نجی ٹی وی چینل سامنے لے آیا، اے این ایف نے تمام اثاثے منجمد کرنے کی استدعا کی ہے، اے این ایف کی دستاویزات کے مطابق رانا ثنا اللہ کے نام کروڑوں روپے کے پلاٹس، گھر، دکانیں اور گاڑیاں ہیں۔ لیگی رہنما رانا ثناء اللہ کے نام پر کروڑوں روپے مالیت کی 3 گاڑیاں رجسٹرڈ ہیں، دستاویزات کے مطابق رانا ثنا اللہ، ان کے فیملی ممبر اور قریبی عزیزوں کے نام پر

کل 14 کمرشل پلاٹس ہیں۔ اس کے علاوہ رانا ثناء اللہ، ان کی فیملی اور قریبی عزیز داروں کے نام پر 50 سے زائد دکانیں بھی ہیں، فیصل آباد میں رانا ثناء اللہ، ان کے بھائی اور والدہ کے نام پردو گھر اور دو کمرشل ہالز بھی موجود ہیں۔ اس کے علاوہ رانا ثناء اللہ اور ان کے فیملی ممبرز کے اکاؤنٹس میں بھاری رقوم بھی موجود ہیں، اے این ایف کے مطابق رانا ثناء اللہ نے تمام جائیداد منشیات سمگلنگ سے بنائی ہے۔ رانا ثناء اللہ اور ان کی فیملی کے تمام اثاثے منجمد کرنے کی اے این ایف نے استدعا کی ہے۔

موضوعات:!رانا ثناء اللہ