اسلام آباد(مانیٹر نگ ڈیسک)آئی ایس آئی کے سابق سربراہ جنرل(ر) حمید گل جن کی چوتھی برسی آج منائی جانی تھی ، عیداور یوم آزادی کی چھٹیوں کے باعث اب بعد میں منائی جائیگی جس کیلئے تاریخ کا اعلان بعد میں کیا جائیگا، یاد رہے کہ حمید گل15 اگست2015 کو وفات پاگئے تھے۔دریں اثنا تحریک جوانان پاکستان و کشمیر کے چیئرمین محمد عبداللہ حمید گل نے کہا ہے کہ ادھوری آزادی کی تکمیل کی جدوجہد جاری رہے گی۔
پاکستان کے یوم آزادی کے موقع پر عبداللہ حمید گل نے اپنے پیغام میں کہا کہ سب اپنے نظریئے پاس رکھو ،ہم اپنا نظریہ رکھتے ہیں، یہ 14 اگست میں اپنے کشمیری بہن بھائیوں کے نام کرتا ہوں، ہم بھلا کیسے جشن منائیں جہاں ہمارے بہن بھائیوں کو آزادی نہ ہو،ادھوری آزادی کی تکمیل کی جدوجہد جاری رہے گی ۔عبداللہ حمید گل کا مزید کہنا تھا کہ کشمیر تکمیل پاکستان کا ادھورا ایجنڈا ہے ،اسکے الحاقِ کے بعد ہی ہماری آزادی مکمل ہوگی ۔
