اسلام آباد(مانیٹرنگ ڈیسک)وزیر اعلیٰ پنجاب کا لاہور میںشدیدبارش کے بعد پیدا ہونے والی صورتحال کا جا ئزہ۔ نکاسی آب کے انتظامات کا بھی معائنہ کیا،اسی دوران وزیراعلیٰ پنجاب نے بارش کے پانی میں پھنسی خواتین اوربچوں کو اپنی گاڑی میں بیٹھایا

اورانہیں ان کے متعلقہ مقام پر پہنچایا۔اس دوران وزیر اعلیٰ کا کہنا تھا کہ جتنی جلدی ممکن ہوسکے نکاسی آب کا کام مکمل کیا جائے۔نکاسی آب کے لئے تمام تر وسائل اورمشینری بروئے کار لائی جائے۔ وزیراعلیٰ نے انتظامیہ اور واسا حکام کوپانی کے نکاس کی خود نگرانی کرنے کی ہدایت کی اور کہا کہ انتظامی افسرا ن اورواسا حکام نکاسی آب مکمل ہونے تک فیلڈ میں خود موجود رہیں۔بارش کے دوران سڑکوں پر ٹریفک رواں دواں رکھنے کیلئے ٹریفک پولیس مستعدی سے کام کرے۔لاہور کو پیرس بنانے کا دعویٰ کرنے والوں نے شہر میں پانی کے نکاس کا کوئی منصوبہ نہیں بنایا۔شہر میں سفید ہاتھی نما منصوبہ بنانے والوں نے نکاسی آب کا بنیادی انتظام نہیں کیا۔

موضوعات:عثمان بزدار