اسلام آباد (این این آئی) پاکستان مسلم لیگ (ن) کے نائب صدر مشاہد اللہ خان نے جج ارشد ملک کی نواز شریف سے ان کی رہائش گاہ پر ملاقات کی تصدیق کرتے ہوئے کہا سابق وزیراعظم نہیں گئے تھے بلکہ جج خود ان کے پاس آئے تھے۔ایک انٹرویومیں انہوںنے کہاکہ عدالت نے طلب کیا تو جج ارشد ملک کی ملاقاتوں کی اصل ویڈیوز پیش کر دیں گے۔انہوںنے کہاکہ جج نے غلط کام کیا اس لئے عہدے سے ہٹایا گیا اب اخلاقی
بنیادوں پر میاں نواز شریف کو بھی رہا ہونا چاہیے۔دوسری جانب وزیر اعظم معاون خصوصی برائے احتساب شہزاد اکبر نے کہا ہے کہ مریم نواز کی جانب سے برطانیہ میں کرائے گئے ویڈیو کے فورنزک کو تسلیم نہیں کیا جائے گا وہ پہلے بھی برطانیہ سے جعلی ٹرسٹ ڈیڈ بنوا چکی ہیں۔جج ارشد ملک کے بیان حلفی میں لئے جانے والے ناموں پر شہزاد اکبر نے کہا کہ اگر متعلقہ ادارے کہیں گے تو نام ای سی ایل میں نام ڈال دیں گے۔
