لاہور( این این آئی ) پاکستان مسلم لیگ (ن) کے رہنما عطاء اللہ تارڑ نے کہا ہے کہ رانا ثنا اللہ خان پر بے بنیاد الزام لگایا گیا ہے اور اسے ثابت نہیں کیا جا سکے گا ،اس کیس کے تانے بانے وزیر اعظم سے ملتے ہیں ،عون چوہدری لاہور اسلام آباد کے ایلیٹ اجتماعات میں منشیات سپلائی کرتے ہیں لیکن انہیں کابینہ میں شامل رکھا گیا ہے کیا ان کے خلاف بھی مقدمہ درج ہو گا۔ ضلعی کچہری میں میڈیا سے گفتگو کرتے ہوئے عطاء اللہ تارڑ نے کہا کہ وزیر اعظم ہائوس

احتساب یا انتقامی سیل نہیں بلکہ سازش سیل ہے ،رانا ثنااللہ کے معاملے کے تانے بانے وزیر اعظم ہائوس سے ملتے ہیں۔ سارا جہاں جانتا ہے کہ عون چوہدری اسلام آباد اور لاہور کی ایلیٹ کے اجتماعات میں میں ڈرگ سپلائی کرتے ہیں لیکن ان کو انکو کابینہ میں بٹھایا ہوا ہے۔عون چوہدری کے گھر کی تلاشی اور ان کا بلڈ ٹیسٹ بھی کروایا جائے۔ انہوں نے کہا کہ رانا ثناللہ کے ماضی سے سب لوگ واقف ہیں ان کا منشیات سے دور دور تک تعلق نہیں۔