لاہور( این این آئی )پاکستان تحریک انصاف کے سینئر رہنما عبدالعلیم خان سینئر وزیر کے عہدے کے بعد پنجاب اسمبلی کی چار کمیٹیوں کی رکنیت سے مستعفی ہو گئے، اسمبلی سیکرٹریٹ نے استعفیٰ منظور کر کے نوٹیفکیشن جاری کر دیا۔عبد العلیم خان کو نیب گرفتاری کے دوران کمیٹیوں کا رکن بنایا گیا تھا۔ عبدالعلیم خان نے پنجاب اسمبلی کی استحقاق کمیٹی ،انسانی حقوق اور اقلیتی امور کی قائمہ کمیٹی ،پبلک اکائونٹس کمیٹی II اور پنجاب اسمبلی کی سپیشل کمیٹی نمبر 6کی رکنیت سے الگ ہوگئے ہیں۔ اسمبلی سیکرٹریٹ نے استعفیٰ منظور ی کا نوٹیفکیشن جاری کر دیاہے۔ یاد رہے کہ اس
سے قبل عبد العلیم خان نیب کے ہاتھوں گرفتاری کے بعد سینئر وزیر کے عہدے سے بھی مستعفی ہو گئے تھے۔