اسلام آباد(این این آئی) حکومتی رکن فخر امام نے کہاکہ زراعت کے شعبے کو پہلی بار کسی نے سنجیدہ لیا۔انہوںنے کہاکہ آبادی کے لحاظ سے ہم پانچویں نمبر پر ہیں لیکن معاشی طور پر بہت پیچھے ہیں۔ انہوںنے کہاکہ یہاں ذاتی تشہیر کی بات ہوگی تو ملک کو کوئی فائدہ نہیں ہوگا،
آئی ایم ایف سے جان چھڑانے کیلئے واحد فصل کپاس ہے۔ انہوںنے کہاکہ تمباکو پر لگایا گیا ٹیکس بھی کم کیا جائے،مڈل مین کا کردار کم سے کم رکھا جائے۔ حکومت کی اتحادی جماعت ایم کیو ایم کے اسامہ قادری نے کہاکہ آصف علی زرداری بتائیں کل ان کی اکثریت اور مسلح سوچ نہ ہونے کا مطلب کیا تھا ۔ انہوںنے کہاکہ آصف زرداری کے ذہن میں رہے اسلحہ اور اکثریت کی دھمکی سے ہم نہیں ڈرتے ۔ انہوںنے کہاکہ ہم جنگ آزادی لڑنے والوں کی اولاد ہیں ۔ انہرںنے کہاکہ الذوالفقار بنانے والے پاکستان توڑنے والے کون تھے ؟۔ انہوںنے کہاکہ مرتضیٰ بھٹو کو کس نے قتل کرایا ،اب یہاں این آر او مانگا جارہا ہے ،ملک کا خزانہ لوٹنے والے کہہ رہے ہیں، پچھلا حساب کتاب ختم کریں،اب خصوصی عدالتیں ان کرپشن مقدمات پر تیزی سے فیصلہ کریں ،ان کرپٹ عناصر سے قومی خزانہ نکالا جائے ،اسلامی نظام معیشت لایا جائے۔
