لاہور(این این آئی)نیا پاکستان ہاؤسنگ منصوبہ کے تحت لاہور سمیت مختلف اضلاع میں 8 ماہ میں 20 ہزار ہائبرڈ گھر تعمیر ہوں گے، ہاؤسنگ ٹاسک فورس نے چائنیز کمپنی کی پرپوزل قبول کرلی۔چینی سن رائز کنسٹرکشن اینڈ انجینئرنگ کمپنی کے 5 رکنی وفد نے پنجاب ہاؤسنگ ٹاسک فورس ممبران سے ملاقات کی۔ جس میں وزیر ہاؤسنگ میاں محمود الرشید، چیئرمین پنجاب ہاسنگ ٹاسک فورس یعقوب اظہار،
جنرل سیکرٹری عاطف میو،چیئرمین پی ای سی حماد اعوان سمیت دیگر ممبران موجود تھے۔ کمپنی نے 20 ہزار ہائبرڈ گھروں کی تیاری پر پریزینٹیشن اور پرپوزل پیش کیا۔ ہائبرڈ گھروں کو سولر بجلی فراہم کی جائے گی، گھر زلزلہ محفوظ، آکسیجن جنریٹڈ اوران میں آر او واٹر پلانٹ کی تنصیب ہوگی، گھر سردیوں میں گرم اور گرمیوں میں ٹھنڈک کے حامل ہونگے، منصوبے کیلئے جلد ایم او یو سائن ہوگا۔
