فیصل آباد(آن لائن) مسلم لیگ(ن) کے رکن صوبائی اسمبلی میاں اجمل آصف اور پاکستان تحریک انصاف کے سابق ٹکٹ ہولڈر ڈاکٹر نثار جٹ سابق ایم این اے میں لڑائی،دونوں کے گارڈز کی فائرنگ، خوش قسمتی سے کوئی جانی نقصان نہیں ہوا، گزشتہ روز جھنگ روڈ پر دونوں سیاسی مخالفین کا آمنا سامنا ہوا تو دونوں کے درمیان تلخ جملوں کا تبادلہ ہوا، اسی اثناء میں دونوں کے گارڈز نے فائرنگ کردی تاہم خوش قسمتی سے کوئی جانی نقصان نہیں ہوا،
پی ٹی آئی رہنما ڈاکٹر نثار جٹ نے مقدمہ کے اندراج کے لئے تھانہ صدر فیصل آباد میں اندراج مقدمہ کیلئے درخواست دائر کر دی جس میں موقف اختیار کیا گیا ہے کہ میاں اجمل آصف کی گاڑی نے ان کی گاڑی کو گلفشاں چوک کے قریب ٹکر ماری اور تھوڑی دور جا کر ان پر فائرنگ کر دی جس کے جواب میں میرے گارڈز نے فائرنگ کی، پولیس نے ڈاکٹر نثارجٹ کی درخواست پر لیگی ایم پی اے میاں اجمل آصف اور نامعلوم ملزمان کے خلاف مقدمہ درج کر لیا۔
