لاہور (این این آئی) مسلم لیگ(ن) پنجاب کی سیکرٹری اطلاعات عظمی بخاری نے کہا ہے کہ صمصام بخاری صاحب مبارک ہو ڈالر 155روپے کا ہو گیا ہے،ڈالر 155روپے تک پہنچنا نا اہل نیازی کی نالائقی کا نتیجہ ہے۔عظمی بخاری نے صمصام بخاری کے بیان پر ردعمل کااظہار کرتے ہوئے کہاکہ پاکستان کی معیشت ہچکولے کھا رہی ہے اور حکومت کو نواز شریف کی فکر پڑی ہے۔

اپوزیشن کے لیڈروں کی گرفتاریوں سے ملکی معیشت ٹھیک نہیں ہو سکتی،ملک کو عمران نیازی کے عذاب سے چھٹکارہ دلانے کا ایک ہی طریقہ ،نیازی مستعفی ہو اور الیکشن کرائے۔ا نہوںنے کہاکہ پاکستانی عوام ان بزدل،نالائق ،کرپٹ،نا اہل اور نکھٹو ٹولے کو مزید برداشت نہیں کر سکتی۔پنجاب کا بجٹ بھی وفاق کی طرح غریب مکا ئوہو گا۔دریں اثنامسلم لیگ (ن)کی ترجمان مریم اورنگزیب نے قومی اسمبلی میں قائد حزب اختلاف کے خطاب پر حکومتی ارکان کے شور شرابہ کی مذمت کرتے ہوئے کہاکہ پوری قوم دیکھ رہی ہے یہ ہے نالائق اور ناہل حکومت پارلیمنٹ میں قائدِ حزبِ اختلاف شہباز شریف کو تقریر کے لئے ڈائس دینے پہ رو رہی ہے ۔انہوںنے کہاکہ نالائق اور نااہل حکومت نے شہباز شریف کی عوام دشمن بجٹ پہ تقریر شروع ہونے سے پہلے رونا شروع کر دیا ہے ،نالائق ٹولے میں اتنا ظرف نہیں کہ عوام کے حق کی بات سنتے،نالائق کھلنڈروں کا ٹولہ نہ حکومت چلاسکتا ہے، نہ قومی اسمبلی کو چلنے دیتاعمران صاحب روز قوم سے جھوٹا خطاب کریں ، حکومت روئے ، شور کرے، دھمکیاں دے جو دل میں آئے کرے عوام دشمن بجٹ پاس نہیں ہونے دیں گے۔

موضوعات:عظمیٰ بخاری