اسلام آباد(این این آئی)سپریم کورٹ کے جج جسٹس قاضی فائز عیسیٰ کے خلاف ریفرنس کی سماعت سے قبل سپریم کورٹ میں وکلاء نے شدید احتجاج کرتے ہوئے عدالت عظمیٰ کا مین دروازہ بند کر دیا ۔جمعہ کو سپریم کو رٹ میں وکلاء نے ججز کے خلاف
ریفرنس کی سپریم جو ڈیشلکونسل میں سماعت سے قبل وکلاء نے شدید احتجاج کرتے ہوئے عدالت عظمیٰ کے مین دروازے کی سیڑھیوں پر بیٹھ گئے او رسپریم کورٹ کا مین دروازہ بند کر دیا ۔وکلاء کے دروازے پر بیٹھنے کی وجہ سے عدالت میں پیش ہونے والے سائلین کیلئے عدالت داخلے میں مشکل پیش آئی ۔ وکلا نے ء سپریم کورٹ کے دروازے پر دھرنا دیا اور شدید نعرے بازی جاری رکھی ۔ وکلاء نے جینا ہوگا مرنا ہوگا دھرنا ہوگا دھرنا ہوگا نعرے لگارہے تھے ، زندہ ہیں وکلاء زندہ ہیں، جسٹس قاضی فائز عیسیٰ کے خلاف ریفرنس بند کروکے بھی نعرے لگا رہے تھے ۔دوسر ی جانب سپریم کورٹ میں مختلف بارز کے احتجاجی بینرز آویزاں کئے گئے جس میں جسٹس قاضی فائز عیسیٰ کیخلاف ریفرنس واپس لینے کا مطالبہ کیا گیا ۔بعد ازںا سپریم کورٹ بار ایسوسی ایشن کے صدر امان اللہ کنرانی حامد خان کے ہمراہ دھرنے میں پہنچے اس دور ان بھی وکلاء نے نعرے بازی جاری رکھی ۔بعد ازاں وکلاء نے سپریم کورٹ کے اندر بھی کرسیاں لگا دیں اورجسٹس قاضی فائز عیسیٰ کے خلاف ریفرنس ختم کرنے کا مطالبہ کرتے رہے ۔
