اسلام آباد (مانیٹرنگ ڈیسک) رویت ہلال کمیٹی کے چیئرمین مفتی منیب الرحمان کی زیر صدارت کراچی میں چاند کی رویت کے متعلق اجلاس ہوا۔ جس میں ملک بھر سے شہادتیں موصول ہونے پر مفتی منیب الرحمان نے بروز بدھ کو عید کا اعلان کر دیا، اس طرح یکم شوال بروز بدھ کو ہو گی،
مرکزی زونل کمیٹیوں کے ارکان اور محکمہ موسمیات کے ماہرین نے اجلاس میں شرکت کی۔ واضح رہے کہ محکمہ موسمیات کے ماہرین کا کہنا تھا کہ 4 جون بروز منگل کو چاند نظر آنے کے قوی امکانات ہیں۔ لاہور، اسلام آباد اور کوئٹہ میں بھی زونل کمیٹیوں کے اجلاس ہوئے۔
