اسلام آباد (این این آئی)پاکستان مسلم لیگ (ن) کے قائد محمد نوازشریف عید الفطر کے موقع پر قوم کو مبارکباد دیتے ہوئے کہا ہے کہ میری عید ان غریب عوام کے نام ہے جو پریشان حال زندگی گزارنے پر مجبور ہیں۔جیل سے قوم کے نام اپنے پیغام میں پاکستان مسلم لیگ (ن) کے
قائد محمد نوازشریف نے کہا کہ رمضان المبارک میں ملک و قوم کیلئے اللہ کے حضور جو دعائیں کی ہیں اللہ ان دعاؤں کو قبول فرما کر پاکستان کو اپنے منزل مقصودتک پہنچائے۔ انہوں نے کہا کہ میری عید ان غریب عوام کے نام ہے جو پریشان حال زندگی گزارنے پر مجبور ہیں۔
