اسلام آباد (این این آئی) پاکستان مسلم لیگ (ن)کی ترجمان مریم اور نگزیب نے برٹش ائیر ویز کی پاکستان میں واپسی پر کہا ہے کہ نالائق حکومت ایک بار پھر نواز شریف کے کام پر اپنی جھوٹی مہر لگا کر خوش ہو رہی ہے ۔ ایک بیان میں انہوں نے کہاکہ برٹش ائیر ویز نے مسلم لیگ (ن )کی حکومت میں 10 سال بعد آپریشن بحال کرنے کا اعلان کیا تھا۔انہوں نے کہاکہ تیرہ فروری 2018کو پاکستان میں دو جون 2019کو آپریشن شروع کر نے کا کہا تھا ۔ انہوں نے کہاکہ انشااللہ موجودہ نالائق حکومت کے

دور میں جو اچھی خبر آئیگی وہ پاکستان کو نوازشریف کا تحفہ ہو گا،شکریہ نوازشریف ۔ انہوںنے کہاکہ نالائق وزیراعظم ابھی اور بھی نواز شریف کے تیار منصوبوں کو شروع کرنے میں جھوٹا کریڈٹ لینے کے لئے جان بوجھ کے تاخیر کر رہے ہیں ۔ انہوں نے کہاکہ عمران صاحب نواز شریف کے منصوبوں پر نواز شریف کی مہر ہے اور عوام اْن منصوبوں کو پہچانتی ہے ۔ انہوں نے کہاکہ نالائق اور جھوٹی حکومت کے دور میں انشااللہ جو منصوبہ شروع ہو گا اْس پہ نواز شریف کی مہر ہو گی۔