لاہور(این این آئی) پاکستان مسلم لیگ (ن) پنجاب کے صدر رانا ثنااللہ نے وزیراعلی پنجاب سے استعفے کا مطالبہ کرتے ہوئے کہا ہے کہ ساہیوال میں معصو م بچوں کے قاتلوں کو قانون کے کٹہرے میں لایا جانا چاہیے،ان معصوم بچوں کا اصل قاتل عمران نیازی ہے جس نے پنجاب پر نااہل ٹیم مسلط کی۔ اپنے بیان میں انہوں نے کہا کہ یہ واقعہ مجرمانہ غفلت، لاپرواہی اور انسانیت دشمنی

کی انتہاء ہے،کسی دوسرے کو قربانی کا بکرا بنانے کے بجائے نااہلوں کے سردار کو کٹہرے میں لایا جائے۔انہوں نے کہا کہ متاثرہ خاندانوں کے ساتھ اور ان کے غم میں شریک ہیں،معصوم بچوں کے قاتلوں کو سزا ملنے تک خاموش نہیں بیٹھیں گے۔ انہوں نے کہا کہ پورے پنجاب اور پاکستان کی عوام اور بچے نالائقوں کے ٹولے کی وجہ سے غیرمحفوظ ہوچکے ہیں۔

موضوعات:رانا ثنااللہ