اسلام آباد (آن لائن) وزارت داخلہ نے سرکاری ملازمین کی جانب سے تین جون کو رخصت لے کر 9 دنوں کی چھٹیاں منانے کا خواب چکنا چور کردیا اور اپنے ملازمین کو ہدایت جاری کی ہے کہ تین جون کو دفاتر میں حاضری یقینی بنائیں بصورت دیگر کارروائی ہوگی۔ وزارت داخلہ
کے علامیے کے مطابق بڑی تعداد میں افسران اور ملازمین نے تین جون کو رخصت مانگی ہے۔ جس پر عملدرآمد کی صورت میں دفتری امور متاثر ہوں گے۔ لہذا تمام عملہ تین جون کو اپنی حاضری یقینی بنائے غیر حاضری کی صورت میں سخت کارروائی عمل میں لائی جائے گی۔
