اسلام آباد (مانیٹرنگ ڈیسک) ایف بی آر نے بینکوں کو ہدایات جاری کی ہیں کہ اپنے تمام کھاتے داروں کے بارے میں تفصیلات فراہم کریں، ایک نجی ٹی وی چینل کی رپورٹ کے مطابق فیڈرل بورڈ آف ریونیو نے بینکوں سے تمام کھاتے داروں کے ود ہولڈنگ ٹیکس کی تفصیلات طلب کر لی ہیں۔ ایف بی آر نے بینکوں کو تمام تفصیلات شناختی کارڈ نمبر کے حساب سے فراہم کرنے کی ہدایات کرتے ہوئے

کہا ہے کہ 30 جون 2019ء تک ود ہولڈنگ کی معلومات جمع کرائیں۔ ایف بی آر کا کہنا ہے کہ شناختی کارڈ نمبر سے ملنے والی معلومات سے ٹیکس دائرے میں اضافہ ہو گا۔ واضح رہے کہ بیس مارچ کو وزیراعظم عمران خان اور ایف بی آر کے چیئرمین شبر رضوی کی اس حوالے سے ملاقات بھی ہوئی تھی، ٹیکس دائرے میں اضافے کے لیے اقدامات کرنا ہی اس ملاقات کا مقصد تھا۔