اسلام آباد (این این آئی)بھارتی ہائی کمشنر اجے بساریہ نے کہا ہے کہ وزیراعظم عمران خان اور وزیراعظم مودی کی فون پر بڑی مثبت بات چیت ہوئی ہے، دونوں وزرائے اعظم تعلقات کو آگے بڑھانے کی خواہش رکھتے ہیں۔بھارتی ہائی کمیشن کے زیرِ اہتمام افطار ڈنر کا انعقاد کیا گیا جس میں سفارتکاروں اور صحافیوں کی بڑی تعداد شریک ہوئی۔ پاکستان تحریک انصاف کے سینیٹر فیصل جاوید پیپلزپارٹی کے فرحت اللہ بابر،پاکستان مسلم لیگ نواز سے روزینہ خورشید عالم افطار ڈنر میں ہوئیں۔ بھارتی ہائی کمشنر اجے بساریہ نے افطار ڈنر سے خطاب کرتے

ہوئے کہا کہ لاہور کراچی سے آئے اور سب مہمانوں کا شکر گزار ہوں۔ افطار کی روایت گذشتہ 13 سالوں سے جاری ہے۔انہوں نے کہاکہ ہمارے ہاں چند روز قبل نئی حکومت آئی ہے،نئی سرکار نئی امید کے ساتھ آتی ہے۔ انہوں نے کہاکہ یہ حکومت ایک بڑے مینڈیٹ کے ساتھ آئی ہے۔۔ انہوں نے کہاکہ وزیراعظم مودی خطے میں امن کے لئے کام کرنے کے خواہاں ہیں۔انہوں نے کہاکہ وزیراعظم عمران خان اور وزیراعظم مودی کی فون پر بڑی مثبت بات چیت ہوئی ہے۔ ہائی کمشنر نے کہاکہ دونوں وزرااعظم تعلقات کو آگے بڑھانے کی خواہش رکھتے ہیں

موضوعات:بھارتی ہائی کمشنر اجے بساریہ