اسلام آباد (این این آئی)پاکستان مسلم لیگ(ن)کے رہنما رانا ثناااللہ نے معاون خصوصی برائے اطلاعات ونشریات فردوس عاشق اعوان پر تنقید کرتے ہوئے کہاہے کہ فردوس باجی جیل میں بند نواز شریف کا اتنا خوف کہ 420 ترجمان نواز شریف کی ترجمانی میں لگے ہوئے ہیں، فردوس باجی 420کی تو آپ ملزم ہیں ، سرکاری بسوں اور دوائیوں کی کرپشن کا جواب نہیں آیا ،

فردوس باجی پہلی دفعہ ملک کا بجٹ آئی ایم ایف بنا رہا ہے، اْس چار سو بیسی کا کون جواب دیگا ؟۔ جمعہ کو پاکستان مسلم لیگ(ن)کے رہنما رانا ثناااللہ نے معاون خصوصی فردوس عاشق اعوان کے بیان پر ردِ عمل کا اظہار کرتے ہوئے کہاکہ فردوس باجی جیل میں بند نواز شریف کا اتنا خوف کہ 420 ترجمان نواز شریف کی ترجمانی میں لگے ہوئے ہیں ۔ انہوںنے کہاکہ فردوس باجی 420کی تو آپ ملزم ہیں ، سرکاری بسوں اور دوائیوں کی کرپشن کا جواب نہیں آیا ۔ انہوںنے کہاکہ فردوس باجی پہلی دفعہ ملک کا بجٹ آئی ایم ایف بنا رہا ہے، اْس چار سو بیسی کا کون جواب دیگا ۔ انہوںنے کہاکہ فردوس باجی نو ماہ میں ملک کی ترقی کی شرح آدھی اور مہنگائی تین گْنا ہوگئی ، اْس چار سو بیسی کا کون جواب دیگا ؟ انہوںن ے کہاکہ فردوس باجی نو ماہ میں پاکستانی روپے کی تاریخی کمی ہوئی ، اْس چارسو بیسی کا کون جواب دے گا ۔ انہوںنے کہاکہ فردوس باجی نو ماہ میںپانچ ہزار ارب کا تیز ترین قرضہ لیا گیا ، اْس چار سو بیسی کا جواب کون دے گا ۔ انہوںنے کہاکہ فردوس باجی پورے ملک کو آئی ایم کے حوالے کر دیا، اْس چارسو بیسی کا جواب کون دے گا ۔ انہوںنے کہاکہ فردوس باجی آپ کے اپنے بقول عوام کو جعلی گیس کے بل بھیجے اْس چارسو بیسی کا جواب کون دے گا ۔ انہوںنے کہاکہ فردوس باجی آپ کے اپنے بقول پیٹرولیم اور صحت کی وزارت میں ڈاکہ ڈالا گیا اْس چار سو بیسی کا جواب کون دے گا