اسلام آباد(سی پی پی ) وزیراعظم عمران خان 2 روزہ دورے پر سعودی عرب روانہ ہوگئے۔وزیراعظم عمران خان کو دورے کی دعوت سعودی فرماں روا شاہ سلمان بن عبدالعزیز نے دی ہے، وزیراعظم کل شام مدینہ پہنچیں گے جہاں وہ روضہ رسول اللہ ؐ پرحاضری دیں گے اورکل رات ہی مکہ روانہ ہوجائیں گے۔وزیراعظم

عمران خان کل رات وفد کے ہمراہ عمرہ کی ادائیگی کریں گے اور او آئی سی کے 14ویں سربراہ اجلاس میں شریک ہوں گے۔ اجلاس کا عنوان مکہ سمٹ رکھا گیا ہے جس سے وزیراعظم عمران خان خطاب کریں گے۔ اجلاس کا مقصد اسلامی دنیا کو درپیش مسائل کے حل کے لیے مشترکہ لائحہ عمل اختیار کرنا ہے۔

موضوعات:عمران خان