لاہور(این این آئی)وزیر اعظم عمران خان اور وزیر اعلیٰ پنجاب عثمان بزدار کی ہدایت پر صوبائی حکومت کی کامیاب پالیسیوں کو عوام کے سامنے لانے اور پارٹی موقف کے دفاع کیلئے 38ترجمان مقرر کر دئیے گئے۔صوبائی وزیر وزیر اطلاعات و ثقافت سید صمصام بخاری کی جانب سے ترجمانوں کی تعیناتی کا نوٹیفیکیشن جاری کیا گیا۔جس کے مطابق صوبائی وزراء سید صمصام علی شاہ بخاری،راجہ بشارت، میاں محمود الرشید، ڈاکٹر یاسمین راشد، میاں اسلم اقبال، سمیع اللہ چوہدری، ہاشم جواں بخت، مراد راس، انصر مجید، ہمایوں یاسر، محمد سبطین، کرنل (ر) ہاشم ڈوگر، وزیراعلیٰ پنجاب کے
ترجمان شہبازگل، مرکزی رہنما اعجاز چوہدری، سیکرٹری اطلاعات عمر سرفراز چیمہ، وزیراعظم کے معاون خصوصی عثمان ڈٖار،رکن قومی اسمبلی فرخ حبیب، وزیراعلیٰ کے مشیر سلمان شاہ، اراکین اسمبلی فیاض الحسن چوہان، فیصل حیات، مسرت جمشید چیمہ، عظمی کاردار، سعدیہ سہیل، سیمابہ طاہر، مومنہ وحید،پارٹی رہنما محمد نوید، ملک محمد اعظم، عثمان سعید بسرا، عاطف چوہدری، وقار طور، روبنس فرانسز، زرقاسہروردی اور عائشہ چوہدری،محمد احمد چٹھہ، شوکت بسرا، صوبائی سیکرٹری اطلاعات مومن آغا، ڈی جی پی آر محمد اسلم ڈوگراور کوآرڈینیٹر محمد عرفان شامل ہیں۔
