راولپنڈی (این این آئی) راولا کوٹ سیکٹر میں لائن آف کنٹرول پر بھارتی فوج کی بلااشتعال فائرنگ سے خاتون زخمی ہوگئی۔ آئی ایس پی آر کے مطابق بھارتی فوج نے لائن آف کنٹرول پر شہری آبادی کو نشانہ بنایا۔آئی ایس پی آر کے مطابق بھارتی فوج کی فائرنگ سے مندھر دیہات میں سفینہ بی بی زخمی
ہو گئیں۔زخمی ہونے والے خاتون کو طبی امداد کے لئے قریبی ہسپتال منتقل کر دیا گیا۔ یاد رہے کہ نریندر مودی کی دوبارہ حکومت آنے کے بعد بھارتی فوج کی جانب سے دوبارہ بلااشتعال فائرنگ کا سلسلہ شروع ہو گیا ہے۔ پاک فوج نے بھرپور جواب کارروائی کرتے ہوئے بھارتی بندوقوں کو خاموش کرا دیا۔
