اسلام آباد(مانیٹرنگ ڈیسک)سینئر صحافی و تجزیہ کار خالد قیوم نے نجی ٹی وی پروگرام میں گفتگو کرتے ہوئے کہا کہ رانا ثنا ء اللہ پنجاب کے اندر مریم نواز کی ٹیم کے سب سے اہم ترین کھلاڑی ہیں۔ جس طرح رانا ثناء اللہ حکومت ، پی ٹی آئی قیادت اور الیکشن کمیشن کو مخاطب کر رہے تھے اسی طرح مسلم لیگ ن کے اندر بھی کئی ایسے لوگ ہیں جو مریم نواز کی قیادت کو نہیں مان رہے۔خاص طور پر خواجہ سعد رفیق اور خواجہ سلمان رفیق کی جانب سے بھی مریم نواز

کی قیادت پر کچھ تحفظات سامنے آئے ہیں اس کے علاوہ اور بھی کئی رہنماؤں نے اس حوالے سے اپنے تحفظات سے آگاہ کیا ہے کہ وہ نواز شریف اور شہباز شریف کی قیادت کو تو مانتے ہیں لیکن وہ مریم نواز اور حمزہ شہباز کی قیادت کو اس طرح سے ماننے پر تیار نہیں ۔ان کا کہنا ہے ہمیں ہمارا حق نہیں دیا گیا۔ خالد قیوم نے کہا کہ رانا ثناء اللہ پارٹی کے اندر اور پارٹی کے باہر کے لوگوں کو بھی ایک ہی پیغام دے رہے ہیں۔ حالانکہ رانا ثنا ء اللہ پر کئی قسم کے الزامات ہیں۔

موضوعات:خالد قیوم