اسلام آباد(این این آئی ) وزیر اعظم کی معاون خصوصی برائے اطلاعات ونشریا ت ڈاکٹر فردوس عاشق اعوان نے مریم نواز کے بیان پر کہا ہے کہ سانحہ ماڈل ٹائون میں بوڑھوں ،عورتوں اور نہتے کارکنوں پر ڈھائے گئے ظلم اور برسائی گئیں گولیاں کیوں بھول گئی ہیں؟ بدھ کو معاون خصوصی وزیر اعظم برائے اطلاعات ونشریات ڈاکٹر فردوس عاشق اعوان نے مریم نواز کے
ٹویٹ پر رد عمل کا اظہار کرتے ہوئے کہاکہ آپ کو ماڈل ٹائون سانحے پر ایسے بیانات اور ٹوٹیس جاری کرنے چاہئیں تھے۔انہوںنے کہاکہ بیان دیتے وقت انہیں سانحہ ماڈل ٹائون میں بوڑھوں ،عورتوں اور نہتے کارکنوں پر ڈھائے گئے ظلم اور برسائی گئیں گولیاں کیوں بھول گئی ہیں؟ انہوںنے کہاکہ گلو بٹ کے سرپرستوں کے منہ سے ایسی باتیں قوم کے ساتھ سنگین مذاق ہے۔
