لاہور( این این آئی)پاکستان سمیت دنیا بھر میں بڑی تعداد میں مسلمانوں نے قبلہ رخ کا تعین کیا۔ماہرین فلکیات اور محکمہ موسمیات کے مطابق پاکستانی وقت کے مطابق دوپہر 2 بج کر 18 منٹ پر سورج خانہ کعبہ کے عین اوپر عمودی زاویہ پر تھا۔ اس وقت بیت اللہ کا سایہ نہیں تھا تاہم دنیا بھر کے سایوں کا رخ بیت اللہ کی طرف تھا۔ اس وقت سورج مکہ معظمہ کے
نصف النہار پر تھا جس کی وجہ سے کعبہ کے رخ کا تعین کیا گیا ۔جدید تحقیق کے مطابق سال میں دو مواقع ایسے آتے ہیں جب سورج خانہ کعبہ کے اوپر عین سیدھ میں پہنچتا ہے۔ اس وقت خانہ کعبہ کا سایہ نہیں ہوتا۔ یہ صورتحال ہر سال 28 مئی کے روز، پاکستانی معیاری وقت کے مطابق 2 بج کر18 منٹ جبکہ 16 جولائی کو 2 بج کر 26 منٹ پر ہوتی ہے۔
