جنوبی وزیرستان (این این آئی)جنوبی وزیرستان ضلع بھر میں ایک ماہ کے لیے دفعہ 144 نافذ کر دی گئی ہے، یہ دفعہ 144 کا نفاذ امن و امان کی صورت حال کو برقرار رکھنے کے لیے کیا گیا ہے۔ضلعی انتظامیہ کے اعلامیے کے مطابق دفعہ 144 کے تحت جنوبی وزیرستان ضلع میں قابل اعتراض تقریروں کی فراہمی، تمام تر اجتماعات، ریلیوں اور جلوسوں پر مکمل پابندی ہو گی۔ضلعی انتظامیہ کا اپنے اعلامیے میں کہاگیاکہ جنوبی وزیرستان ضلع میں ہوائی فائرنگ، ہر قسم کے
ہتھیار کی نمائش اور اسے ساتھ لے کر چلنے پر پابندی ہو گی۔اعلامیے میں کہا گیا کہ دفعہ 144 کے تحت جنوبی وزیرستان ضلع میں 5سے زیادہ افراد کے اجتماع اور گاڑیوں میں کالے شیشے کے استعمال پر بھی پابندی ہو گی۔ضلعی انتظامیہ نے اپنے اعلامیے میں کہا کہ جنوبی وزیرستان میں دفعہ 144 کی خلاف ورزی پر قانونی کارروائی کی جائے گی۔امیدواران کے مطابق قبائلی اضلاع میں ممکنہ انتخابات سے چند ہفتے قبل دفعہ 144 کا نفاذ کسی جمہوریت میں نہیں ہے۔
