لاہور( این این آئی )کوٹ لکھپت اور والٹن اسٹیشن کے درمیان کھلے پھاٹک پر کراچی سے آنے والی پاک بزنس ایکسپریس سے رکشے اور موٹر سائیکل کے تصادم میں خاتون سمیت دو افراد جاںبحق جبکہ پانچ زخمی ہو گئے ، اطلاع ملنے پر ریسکیو ٹیمیں موقع پر پہنچ گئیں جنہوں نے لاشوں اور زخمیوں کو فوری طور پر قریبی ہسپتال منتقل کر دیا ، ٹرین ڈرائیور اور اسسٹنٹ ڈرائیور کو معطل کر کے

انکوائری کیلئے کمیٹی تشکیل تشکیل دیدی گئی ۔بتایا گیا ہے کہ گزشتہ روز کوٹ لکھپت اور والٹن اسٹیشن کے درمیان قینچی ریلوے پھاٹک پر کراچی سے آنے والی پاک بزنس ایکسپریس حادثے کا شکار ہو گئی ۔ پھاٹک کھلا ہونے کی وجہ سے رکشہ اور موٹر سائیکلیں ٹرین کی زد میں آگئیں جس کے نتیجے میں ایک خاتون جاں بحق جبکہ چھ افراد زخمی ہو گئے ۔ اطلاع ملتے ہی ریسکیو ٹیمیں موقع پر پہنچ گئیں جنہوں نے لاش اورزخمیوں کو ہسپتال منتقل کیا جہاں ایک اور زخمی زندگی کی بازی ہار گیا ۔۔ عینی شاہدین کا کہنا ہے کہ پھاٹک مین نے بروقت ریلوے پھاٹک بند نہیں کیا اور صرف پھاٹک کا ایک دروازہ ہی بند کیا تھا اور ٹرین پہنچ گئی۔ حادثہ کے بعد ہر طرف چیخ وپکار شروع ہوگی ۔حادثے کی اطلاع ملنے پر قریبی آباد ی کے طو رپر جائے وقوعہ پر پہنچ گئے جس سے ٹریفک کا نظام جام ہو گیا ۔اطلاع ملنے پر ریلو ے کے اعلیٰ حکام بھی موقع پر پہنچ گئے جنہوں نے ریلوے کے عملے سے حادثے کے حوالے سے معلومات حاصل کیں جبکہ حادثے کی تحقیقات کے لئے اعلیٰ سطحی کمیٹی بھی تشکیل دیدی گئی ہے۔علاوہ ازیں یلوے انتظامیہ نے مذکورہ واقعے پر ٹرین کے ڈرائیور اور اسٹنٹ ڈرائیور کو معطل کرکے فوری انکوائری شروع کردی ہے جو 48 گھنٹے میں مکمل کر لی جائے گی۔

موضوعات:پاک بزنس ایکسپریس