اسلام آباد (آن لائن) چیئرمین نیب کو مبینہ طور پر بلیک میل کرنے والی خاتون اور اس کے شوہر کے ہاتھوں وفاقی دارالحکومت میں ایک سابق پولیس انسپکٹر کو بھی کنگال کئے جانے کا انکشاف۔ تھانہ لوہی بھیر اور کورال میں مقدمات درج ہونے کے باوجود وفاقی پولیس کئی سالوں سے نوسر باز گروہ کو بے نقاب کرنے میں ناکام رہی۔ ذرائع سے معلوم ہوا ہے کہ سابق خاتون پولیس انسپکٹرناصرہ سلیم المعروف سلیمی کے گھر پاک پی ڈبلیو ڈی

میں نوسر باز گروہ فاروق اور اس کی بیوی طیبہ گل چند ماہ رہائش پذیر رہے ہیں اور اسی اثناء میں فاروق نے گھر کے ہونے والے ایگریمنٹ کے کاغذات میں تبدیلی کرکے وہ مکان اپنے نام کروالیا، تھانہ لوہی بھیر میں مقدمات درج کروانے کے باوجود بھی وفاقی پولیس اپنی پیٹی بھائی کی مدد نہ کر سکی۔ دوسری جانب ضلعی عدالتوں میں بھی ناصرہ سلیم کئی سالوں سے چکر کاٹ رہی ہیں تاہم ان کے گھر کا فیصلہ نہ ہوسکا ۔

موضوعات:طیبہ گل