ا سلام آباد (این این آئی) پیپلز پارٹی کی رہنما نفیسہ شاہ نے کہاہے کہ چیئر مین نیب کے حوالے سے جو ویڈیوز لیک ہوئی ہیں، ان کے تانے بانے وزیر اعظم ہاؤس سے ملتے ہیں۔ایک انٹرویو میں نفیسہ شاہ نے کہاکہ جس چینل پر چیئر مین نیب سے متعلق رپورٹ چلی اس کا چینل کامالک وزیر اعظم کا معاون خصوصی ہے، چیئر مین نیب نے اپنے انٹرویومیں کہا تھا کہ اگر میں حکومت کے دو بندے گرفتار کرلوں تو حکومت گرجائے گی۔انہوں نے کہا کہ نیب سے متعلق پیپلز پارٹی کا موقف وہی ہے،

لیکن نیب کے چیئر مین کی ذاتی زندگی پر جو حملہ ہواہے، اس کا وزیر اعظم ہاؤ س سے تعلق ضرور ہے، اس کی تحقیقات ہونی چاہئے۔ انہوں نے کہاکہ نیب اور وزیر اعظم کا گٹھ جوڑ اب بھی موجودہے لیکن د و دن پہلے نیب چیئر مین نے اپنے انٹرویومیں حکومت پر جو ہاتھ ڈالے اس کے بعد چیئر مین نیب کے حوالے سے جو ویڈیوز لیک ہوئی ہیں، ان کے تانے بانے وزیر اعظم ہاؤس سے ملتے ہیں، ہم چاہتے ہیں کہ اس عمل کی انکوائری ہونی چاہئے اورپتہ چلے کہ یہ ویڈیوز لیک کیسے ہوئیں۔

موضوعات:نفیسہ شاہ