اسلام آباد (این این آئی)پاکستان مسلم لیگ (ن) کے صدر اور قائد حزب اختلاف شہباز شریف کا خاڑ کمر میں اندوہناک واقعہ پر اظہار افسو س کرتے ہوئے کہا ہے کہ سانحہ کے تمام حقائق پارلیمان کے سامنے آنے چاہیں، واقعہ پر سیاست قومی جرم ہوگا، تمام محبان وطن صورتحال کی نزاکت دیکھتے ہوئے فوری اپنا کردا ر ادا کریں، اپنے گھر میں لڑائی، فساد اور افراتفری کا دشمنوں کو فائدہ ہوگا۔ اتوار کو اپنے بیان میں انہوں نے کہاکہ پاکستان اس نوعیت کے سانحات کا متحمل نہیں ہوسکتا، حالات کی نزاکت تدبر، سمجھداری اور قومی مفاد کی پاسداری کی متقاضی ہے۔