اسلام آباد (این این آئی)پاکستان پیپلزپارٹی کے چیئرمین بلاول بھٹو زرداری نے شمالی وزیرستان کے علاقے بویہ میں خڑکمر چیک پوسٹ پر حملے سے متعلق کہاہے کہ اپنے ہی بچوں کو غدار کہیں گے تو معاملہ خطرناک راستے کی طرف جائیگا۔ اتوار کو بلاول بھٹو زرداری نے اپنے بیان میں کہا کہ پرْامن اور سیاسی لوگوں کے ساتھ بھی تشدد نہیں ہونا چاہیے،
حقیقت معلوم کروں گا لیکن شروع سے کہتا ہوں آپ ان کے نکتہ نظر سے اختلاف اور بحث کرسکتے ہیں۔انہوں نے کہاکہ ان کی غلط فہمیاں دور نہیں کریں گے تو سب نے دیکھا مشرف کے زمانے میں بلوچستان میں کیا ہوا، فاٹا جیسے علاقے میں ترقی پسند سیاست پروان چڑھ رہی ہے اور اپنے ہی بچوں کو غدار کہیں گے تو معاملہ خطرناک راستے کی طرف جائے گا۔
