لاہور (این این آئی )پاکستان مسلم لیگ (ن) کے مرکزی رہنماسینیٹر مشاہد اللہ خان نے کہا ہے کہ چیئرمین نیب قوم کو گمراہ نہ کریں بلکہ واضح بات کریں ، پہلے دن سے کہہ رہے ہیں مرضی کا احتساب ہو رہا ہے، سکینڈل میں پی ٹی آئی اور حکومت ملوث نظر آتی ہے۔نجی ٹی وی کو انٹر ویو میں انہوں نے کہا کہ نواز شریف انتہائی دلیری سے
مشکلات کا مقابلہ کر رہے ہیں اور انہیں جھکایا نہیں جا سکتا ۔نواز شریف پارٹی چھوڑنے والوں کو واپس نہیں لینا چاہتے ۔ انہوں نے کہا کہ ملک میں احتساب کے نام پر جو کچھ کیا جارہا ہے وہ سب کے سامنے ہے اور عوام کی آنکھوں میں دھول نہیں جھونکی جاسکتی ۔ مشاہد اللہ خان نے ایک سوال کے جواب میں کہا کہ عید کے بعد مکمل تحریک چلی تو حکومت سے برداشت نہیں ہوگی۔
