لاہور( آن لائن،مانیٹرنگ ڈیسک)مسلم لیگ ن نے چیئرمین نیب سے استعفیٰ کا مطالبہ کردیا، نجی ٹی وی کے مطابق ن لیگ کے ترجمان ملک احمد خان نے کہا ہے کہ چیئرمین نیب استعفیٰ دیں ،۔دوسری جانب اپوزیشن لیڈر پنجاب اسمبلی حمزہ شہباز نے کہا ہے کہ چیئرمین نیب کے معاملے پر اسمبلی کا اجلاس بلوایا جائے،چیئرمین نیب کا معاملہ سپریم جوڈیشل کونسل میں لیکر جانا چاہیے،چیئرمین نیب اور عمران نیازی اسمبلی میں آکرعوام کو بتائیں۔
ہفتہ کو احتساب عدالت میں پیشی کے بعد میڈیا سے گفتگو کرتے ہوئے حمزہ شہباز نے کہا کہ ثبوت بعد میں آتاہے گرفتاری پہلے ہو جاتی ہے ، ملکی معیشت ڈوب رہی ہے نیب کاروباری افراد کو ڈرا رہا ہے۔انہوں نے کہا کہ یہ ثابت ہوچکا ہے کہ عمران خان نیازی نااہل وزیراعظم ہیں۔چیئرمین نیب کے معاملے پر اسمبلی کا اجلاس بلوایا جائے،چیئرمین نیب کا معاملہ سپریم جوڈیشل کونسل میں لیکر جانا چاہیے،چیئرمین نیب اور عمران نیازی اسمبلی میں آکرعوام کو بتائیں۔
