اسلام آباد (مانیٹرنگ ڈیسک) پاکستان اور بھارت کے درمیان برف پگھلنے لگی، پاکستان نے بھارتی وزیر خارجہ سشما سوراج کے لیے اپنی فضائی حدود کھول دی، سشما سوراج کے طیارے کی پاکستانی حدود سے گزرنے کی اجازت بھارتی حکومت کی درخواست پر دی گئی۔ بھارتی حکومت کی جانب سے پاکستانی
فضائی حدود استعمال کرنے کی درخواست 21 مئی کو دی گئی، اس طرح بھارتی وزیر خارجہ سشما سوراج کو لے کر جانے والا بھارتی طیارہ پاکستانی حدود سے گزرا، واضح رہے کہ بھارتی وزیر خارجہ سشما سوراج نے افغانستان میں ہونے والے شنگھائی تعاون تنظیم کے اجلاس میں شرکت کی۔
