اسلام آباد (مانیٹرنگ ڈیسک) پاکستان مسلم لیگ (ن) کے رہنما رانا ثناء اللہ نے مریم نواز کو مریم صفدر کہنے پر ناراضگی کا اظہار کر دیا۔ ایک نجی ٹی وی چینل کے پروگرام میں وزیراعظم کے ترجمان ندیم افضل چن نے گفتگو کے دوران مریم نواز کو مریم صفدر کہہ کر پکارا جس پر ن لیگ کے رہنما رانا ثناء اللہ نے ناراضگی
کا اظہار کرتے ہوئے کہاکہ انہیں مریم نواز کہا جائے۔ واضح رہے کہ سابق وزیراعظم میاں نواز شریف کی صاحبزادی اپنا نام مریم نواز کہلوانا پسند کرتی ہیں اور تمام دستاویزات میں بھی ان کا نام مریم نواز ہی درج ہے، اسی وجہ سے لیگی رہنما رانا ثناء اللہ بھی انہیں مریم صفدر کہنے پر ندیم افضل چن پر برہم ہو گئے۔
