کوئٹہ(این این آئی)مستونگ کے علاقے میں محکمہ انسداد دہشتگردی (سی ٹی ڈی)کے سرچ آپریشن کے دوران فائرنگ کے تبادلے میں 9دہشتگرد ہلاک جبکہ 4 اہلکار زخمی ہوگئے۔سی ٹی ڈی کے ذرائع مطابق جمعرات کو سی ڈی ڈی نے مستونگ کے علاقے قابو کوہ مہران میں دہشت گردوں کے کیمپ کی موجودگی پر سرچ آپریشن شروع کیا تو دہشت گردوں نے سکیورٹی فورسز پر فائرنگ شروع کردی فورسز کی
جوابی فائرنگ سے کالعد م تنظیم سے تعلق رکھنے والے 9دہشت گرد ہلاک جبکہ فائرنگ سے 4سی ٹی ڈی اہلکار زخمی ہوگئے جنہیں فوری طور پر ہسپتال پہنچادیا گیا۔سی ٹی ڈی ذرائع کے مطابق آپریشن کے دوران دہشت گردوں کے ٹھکانوں سے بھاری اسلحہ و گولہ بارود بھی برآمد ہوا، جبکہ آپریشن مکمل کرنے کے بعد سکیورٹی فورسز نے دہشتگردوں کی لاشیں شناخت کے لئے ہسپتال منتقل کردیں۔
