اسلام آباد(مانیٹرنگ ڈیسک) 500 روپے کے تنازع پر تایا نے اپنے 6 سال کے بھتیجے کو مار ڈالا۔نجی ٹی وی کے مطابق ساہیوال میں افسوسناک واقعہ پیش آیا ہے جہاں ملزم نے اپنی بھابھی سے ادھار لی ہوئی رقم کی واپسی کا مطالبہ کیا تو ان کے درمیان جھگڑا ہو گیا۔

ملزم نے اپنی بھابھی اور معصوم بھتیجے پر ڈنڈوں کے ذریعے تشدد کیا، جس کی تاب نہ لاتے ہوئے بچہ دم توڑ گیا۔بچے کی لاش اور زخمی ماں کوہسپتال منتقل کر دیا گیا ہے جہاں زخمی خاتون کو طبی امداد دی جا رہی ہے۔واقعہ کا مقدمہ درج کر لیا گیا ہے ۔