کراچی(سی پی پی )کراچی پولیس نے کارروائی کرتے ہوئے آن لائن منشیات فروخت کرنے والے چار رکنی گروہ کو گرفتار کرلیا ہے۔ایس ایس پی ملیر کے مطابق کراچی کے علاقے غریب آباد میں کارروائی کرتے ہوئے ملزمان کو گرفتار کیا، ملزمان موبائل فون پر
آرڈر لیکر منشیات سپلائی کرتے تھے، ملزمان کے قبضے سے ڈیڑھ کلو سے زائد اعلی کوالٹی کی چرس اور 1ہزار نقدی برآمد کی گئی ہے۔ایس ایس پی ملیر کے مطابق ملزمان نے گلستان جوہراورشاہ فیصل سمیت کئی علاقوں میں منشیات کی سپلائی کا اعتراف کیا ہے۔
