جمعرات‬‮ ، 15 مئی‬‮‬‮ 2025 

اللہ پاکستان کو عمران خان کے شر سے محفوظ رکھے،خورشید شا ہ نے ایک بار پھر دعا مانگ لی،سنگین الزامات عائد

datetime 6  اپریل‬‮  2019
ہمارا واٹس ایپ چینل جوائن کریں

سکھر(آن لائن)پاکستان پیپلزپارٹی کے مرکزی رہنما سید خورشید احمد شاہ نے پاکستان کو عمران خان کے شر سے محفوظ رکھنے کے لیے ایک بار پھر دعا مانگ لی اور ایک بار پھر نیب کو ہدف تنقید کا نشانہ بناتے ہوئے وزیر اعظم اور چیئرمین نیب کی ملاقاتوں پر تشویش کا اظہار کردیا ہے اور سوال اٹھا دیا ہے کہ یہ ملاقات کیوں ہورہی ہیں اور صرف نیب کیا ہمارے لیے آزاد ہے پی ٹی آئی کے لیے آزاد نہیں ہے ملک میں ٹرینڈ چل چکا ہے کہ سیاستدان کرپٹ ہیں لیکن صرف سیاستدانوں کی پکڑ دھکڑ سے کچھ نہیں ہوگا

ان خیالات کا اظہار انہوں نے سکھر کے ڈپٹی کمشنر آفس میں اجلاس کے بعد میڈیا سے گفتگو کرتے ہوئے انہوں نے مزید کہا کہ پاکستان میں سیاستدانوں کے علاوہ دوسرے لوگ بھی کرپٹ ہیں ان کو کیوں نہیں پکڑا جاتا ہے اور ان میں حکومت میں موجود لوگ بھی شامل ہیں ان کا کہنا تھا کہ عمران خان سے پوری قوم مایوس ہے سات ماہ میں انہوں نے عوام کو مایوس کردیا ہے سات ماہ ایک کروڑ نوکریاں اور پچاس لاکھ گھر نہ دیتے لیکن کم از کم دس یا پانچ لاکھ نوکریاں اور ایک لاکھ گھر ہی دے دیتے لیکن دیا تو صرف مہنگائی کا عذاب ہے ہمیں اگر یہ سات ماہ ملتے تو ہم پاکستان کو کہیں سے کہیں لے جاتے لیکن انہوں نے تو عوام کی زندگی ہی اجیرن بنا دی ہے انہوں نے عمران خان کی جانب سے ایم کیو ایم کے ساتھ اگلا الیکشن لڑنے کے حوالے سے پوچھے گئے سوال کے جواب میں کہا کہ پہلی بار عمران خان نے سچ بولا ہے کہ ان کے اور ایم کیو ایم کے نظریات ایک ہیں اور اس بات میں کوئی شک بھی نہیں ہے کیونکہ دونوں ہی دہشتگردوں کے حامی ہیں انہوں نے عمران خان کو مخاطب کرتے ہوئے کہا کہ فکر نہ کرو ہم کنٹینر اپنا لائیں گے اور یہ وہ کنٹینر ہوگا کہ ایک کال پر واپس بھی نہیں جائے گا اور جب ہم کنٹینر لائیں گے تو تمہیں بھی لگ پتہ جائے گا ان کا کہنا تھا کہ حکمرانوں کی مثال بھی فرانس کی اس ملکہ کی طرح ہے جو اپنے محل سے لوگوں کو احتجاج کرتے دیکھ رہی تھی اور اپنے شوہر سے پوچھ رہی تھی کہ یہ لوگ کیوں احتجاج کررہے ہیں تو جب اس کے شوہر نے بتایا کہ یہ قحط کے خلاف احتجاج کررہے ہیں

ان کو گندم نہیں مل رہی ہے تو اس نے کہا کہ گندم نہیں مل رہی ہے تو کیک کھالیں لیکن اسے یہ پتہ نہیں تھا کہ کیک بھی گندم سے بنتا ہے اسی طرح ہمارے حکمران ہیں جو کبھی عوام کے درمیان تو گئے نہیں تو ان کو پتہ کیسے چلے کہ عوام کا مسئلہ کیا ہے خورشید شاہ کا کہنا تھا کہ اسپیکر میرے دوست ہیں لیکن وہ ایک روٹی کھانے کی بات تب کریں جب وہ خود ایک روٹی کھائیں تو پھر عوام کو بھی ایک روٹی کھانے کی ترغیب دیں لیکن وہ کھاتے آٹھ روٹیاں ہیں اور عوام کو ترغیب دیتے ہیں ایک روٹی کھانے کی یہ تو انصاف نہیں ان کا کہنا تھا نیب گرفتار بعد میں کرتا ہے لیکن حکومت اس کا اعلان پہلے کردیتی ہے تو پھر نیب کے بارے میں تو سب کو پتہ چلنا ہے نا۔

موضوعات:

آج کی سب سے زیادہ پڑھی جانے والی خبریں


کالم



7مئی 2025ء


پہلگام واقعے کے بارے میں دو مفروضے ہیں‘ ایک پاکستان…

27ستمبر 2025ء

پاکستان نے 10 مئی 2025ء کو عسکری تاریخ میں نیا ریکارڈ…

وہ بارہ روپے

ہم وہاں تین لوگ تھے‘ ہم میں سے ایک سینئر بیورو…

محترم چور صاحب عیش کرو

آج سے دو ماہ قبل تین مارچ کوہمارے سکول میں چوری…

شاید شرم آ جائے

ڈاکٹرکارو شیما (Kaoru Shima) کا تعلق ہیرو شیما سے تھا‘…

22 اپریل 2025ء

پہلگام مقبوضہ کشمیر کے ضلع اننت ناگ کا چھوٹا…

27فروری 2019ء

یہ 14 فروری 2019ء کی بات ہے‘ مقبوضہ کشمیر کے ضلع…

قوم کو وژن چاہیے

بادشاہ کے پاس صرف تین اثاثے بچے تھے‘ چار حصوں…

پانی‘ پانی اور پانی

انگریز نے 1849ء میں پنجاب فتح کیا‘پنجاب اس وقت…

Rich Dad — Poor Dad

وہ پانچ بہن بھائی تھے‘ تین بھائی اور دو بہنیں‘…

ڈیتھ بیڈ

ٹام کی زندگی شان دار تھی‘ اللہ تعالیٰ نے اس کی…