اسلام آباد (این این آئی) وفاقی وزیر اطلاعات ونشریات چوہدری فواد حسین نے ایک بار پھر شریف برادران پر شدید تنقید کرتے ہوئے کہا ہے کہ وزیراعظم شہباز شریف سے نہیں ملنا چاہتے تو کیامسئلہ ہے ؟الیکشن کمیشن کے ممبران کی تقرری سے متعلق مشاورت فون پر بھی ہوسکتی ہے ، مشاورت کیلئے شکل دیکھنا ضروری نہیں ،نوازشریف باہر آئیں ہیں تو اپنا علاج کرائیں ۔ میڈیا سے بات چیت کرتے ہوئے وزیر اطلاعات نے کہاکہ شریف برادران کو ریلیف ہم نے نہیں سپریم کورٹ نے دیا ہے ۔
انہوں نے کہاکہ نواز شریف کا ذہنی تناؤ کم ہوا ہے ،تو مریم کا ٹویٹ بھی نہیں آیا۔ انہوں نے کہاکہ نوازشریف باہر آئے ہیں تو اپنا علاج کرائیں۔ وزیراطلاعات نے کہاکہ وزیراعظم ،شہباز شریف کو نہیں ملنا چاہتے تو انہیں کیا مسئلہ ہے ،الیکشن کمیشن کے ممبران کی تقرری سے متعلق مشاورت فون پر بھی ہوسکتی ہے،مشاورت کیلئے شکل دیکھنا ضروری نہیں۔ انہوں نے کہاکہ ہر بات پر تماشہ بنانے کی ضرورت نہیں۔ وزیراطلاعات نے کہاکہ شہباز شریف کو وزیراعظم سے ملاقات کی بجائے فیملی میٹنگ کرنی چاہئے۔
