لاہور( این این آئی)دوستوں کے سامنے ڈانس نہ کرنے پر اہلیہ پر تشدد کرنے والے ملزم میاں فیصل نے کہا ہے کہ میڈیا میری بیوی کا وکیل بنا ہوا ہے، ایک گھنٹے کے لئے میڈیا مجھے بھی سن لے اگر میں قصور وار ثابت ہوا تو جو مرضی سزا دی جائے ۔ عدالت میں پیشی کے موقع پر میڈیا سے غیر رسمی گفتگو
کرتے ہوئے ملزم میاں فیصل نے کہا کہ میڈیا پر میری مسلسل بے عزتی کی جارہی ہے ، میرا سارا کاروبار تباہ ہو گیا ہے ۔میڈیا میری بھی سن لے اگر میں قصور وار ثابت ہوا تو مجھے جومرضی سزا دی جائے لیکن کیا اگر میری بیوی قصور وار نکلی تو اسے بھی سزا دی جائے گی۔
