لاہور (این این آئی ) نیاپاکستان پنجاب ہاؤسنگ پراجیکٹ ،مکانوں کی فروخت اوررہائش اختیار کرنیوالوں کے حوالے سے ایس او پیز تیار ،پنجاب ہاؤسنگ اینڈ ٹاؤن پلاننگ ایجنسی نے نئے حکم نامے کی منظوری دیدی ۔ ایس او پی کے مطابق سکیم کے مکانوں کو کرایے داری پر نہیں دیا جاسکے گا جس کے نام مکان کا قرعہ نکلے گا وہی
اس میں رہے گا ۔کرایہ داری عمل کو روکنے کیلئے ڈائریکٹوریٹ تشکیل دیا جائے گا ۔مکان حاصل کرنے والوں کو 5سال تک گھر میں رہائش رکھنا لاز م ہوگا ۔پانچ سال بعد نیا پاکستان کے مکانوں کو فروخت کرنے کی اجازت ہوگی ۔ایس او پیز اطلاق کاآغاز لودھراں ،چشتیاں ،رینالہ خورد میں بننے والے گھروں سے کیا جائے گا ۔
