اسلام آباد (این این آئی) جمعیت علمائے اسلام (ف) کے سینیٹر مولانا عبد الغفور حیدری نے کہاہے کہ آسیہ بی بی کو دو عدالتوں نے پھانسی کی سزاسنائی ،سپریم کورٹ نے نظرثانی اپیل مستر کر دی ہے،آئندہ جمعہ پر ملک بھر میں یوم احتجاج منایا جائے گا،17 فروری کو مردان میں، 20 فروری کو بدین سندھ میں ملین مارچ کیا جائے گا ۔ منگل کو میڈیا سے بات چیت کرتے ہوئے انہوں نے کہاکہ آسیہ بی بی کو دو عدالتوں نے پھانسی کی سزا سنائی،نظر ثانی اپیل کو عدالت نے مسترد کر دیا ہے۔

انہوں نے کہاکہ ملک میں احتجاجی مظاہرے ہو رہے ہیں ملین مارچ کئے جا رہے ہیں،امید کر رہے تھے کہ دو عدالتوں کے فیصلے کو برقرار رکھا جائیگا۔ انہوں نے کہاکہ جسٹس ثاقب نثار کے فیصلے کے بعد اس فیصلے کی پوری قوم مذمت کرتی ہے۔ انہوں نے کہاکہ آئندہ جمعہ پر ملک بھر میں یوم احتجاج منایا جائے گا،17 فروری کو مردان میں، 20 فروری کو بدین سندھ میں ملین مارچ کیا جائے گا، انہوں نے کہاکہ موجودہ حکومت تبدیلی کا نعرہ لگا رہی ہے، وہ کیا تبدیلی لا رہی ہے،اسرائیل کو تسلیم کرنے کیلئے کئی حربے استعمال کئے جا رہے ہیں۔ مولانا عبد الغفور حیدری نے کہاکہ ہم کہتے تھے عمران خان یہودی ایجنٹ ہیں،آج ان کے فیصلوں سے یہودی لابی کی عکاسی ہو رہی ہے۔ مولانا عبد الغفور حیدری نے کہاکہ جب سے تحریک انصاف کی حکومت آئی ہے مقبوضہ کشمیر میں ظلم میں اضافہ ہوا ہے،حکومت کشمیر کے معاملے کو بھول چکی ہے۔ انہوں نے کہا کہ 2 فروری کو دینی قیادت اور ہر طبقے کے افراد اس کشمیر کانفرنس میں حصہ لیں گے،5 فروری کو یوم یکجہتی کشمیر کے موقع پر پورے ملک میں جلسے اور مظاہرے کریگی،مولانا سمیع الحق کو حکمرانوں کی ناک کے نیچے شہید کیا گیا،مولانا سمیع الحق کے قاتل موجودہ حکمران ہیں۔