لاہور( این این آئی) سانحہ ساہیوال میں سی ٹی ڈی کے ہاتھوں جاں بحق ہونے والے خلیل کے اہل خانہ نے جے آئی ٹی کی تحقیقات میں شامل ہونے سے انکار کر تے ہوئے جوڈیشل کمیشن کے قیام کیلئے لاہور ہائیکورٹ سے رجوع کرنے کا فیصلہ کر لیا ۔ سی ٹی ڈی کے ہاتھوں جاں بحق ہونے والے خلیل کے بھائی جلیل نے نجی ٹی وی سے گفتگو کرتے ہوئے کہا کہ ہمیں جے آئی ٹی پر اعتماد نہیں اس لئے تحقیقات میں شریک نہیں
ہوں گے۔ جوڈیشل کمیشن کے قیام کیلئے احتشام امیر الدین ایڈووکیٹ کی وساطت سے لاہور ہائیکورٹ میں درخواست دائر کرنے کا فیصلہ کر لیا ہے ۔ انہوں نے کہا کہ ہم سے رات دو بجے طلبی کے کاغذات پر دستخط کرائے جاتے ہیں اور پھر کہا جاتا ہے کہ آپ پیش ہوں ، گرفتار ملزمان کو صرف علاقہ مجسٹریٹ کے سامنے پیش کیا گیا اور کوئی کارروائی نہیں کی گئی ۔انہوں نے کہا کہ جے آئی ٹی پر اعتماد نہیں یہ کیس کو خراب کر رہی ہے۔
