اسلام آباد (این این آئی) وزیراعظم کی زیر صدارت ہونیوالے وفاقی کابینہ کے اجلاس میں کئی وفاقی وزاء رکنیت معطل ہونے کی وجہ سے شریک نہیں ہوسکے۔ الیکشن کمیشن میں اپنے اثاثوں کے گوشوارے جمع نہ کرانے پر رکنیت معطل ہونے کی وجہ سے کئی وزر اء نے وفاقی کابینہ کے اجلاس میں شرکت نہیں کی۔ اجلاس میں

شرکت نہ کرنیوالوں میں وفاقی وزیر اطلاعات فواد چوہدری، وزیر بحری امور علی زیدی، علی امین گنڈا پور اور عامر کیانی بھی شامل ہیں۔واضح رہے کہ الیکشن کمیشن نے اثاثوں کی تفصیلات جمع نہ کرانے پر 332 اراکین پارلیمنٹ کی رکنیت معطل کردی ہے۔ جن میں فواد چوہدری سمیت کئی وفاقی وزراء بھی شامل ہیں۔