اسلام آباد (آئی این پی) وزیراعظم عمران خان نے بنیادی عوامی مسائل کے حل کے لئے نیشنل ایکشن پلان بنانے کا فیصلہ کیا ہے‘ نیشنل ایکشن پلان کیلئے پارلیمانی کمیٹی بنائی جائے گی جس میں تمام سیاسی جماعتوں کو نمائندگی دی جائے گی‘ پانی‘ صحت‘ زراعت اور تعلیم سمیت بنیادی عوامی مسائل کے حل کیلئے نیشنل ایکشن پلان بنایا جائے گا۔ تفصیلات کے مطابق وزیراعظم عمران خان نے بنیادی عوامی مسائل کے حل کیلئے نیشنل ایکشن پلان

بنانے کا فیصلہ کیا ہے اس ضمن میں وزیراعظم نے نیشنل ایکشن پلان کے لئے پارلیمانی کمیٹی بنانے کی بھی ہدایت کی ہے۔ پانی‘ زراعت‘ تعلیم اور صحت سمیت بنیادی عوامی مسائل کے حل کے لئے ابتدائی طور پر نیشنل ایکشن پلان بنے گا۔ پارلیمانی کمیٹی برائے نیشنل ایکشن پلان میں تمام سیاسی جماعتوں کو نمائندگی دی جائے گی اس حوالے سے پارلیمانی کمیٹی کی تشکیل کیلئے وزیراعظم عمران خان نے سپیکر قومی اسمبلی اسد قیصر کو ٹاسک دیدیا ہے۔