اسلام آباد (نیوزڈیسک) قومی ایئرلائن پی آئی اے میں منظور نظر افراد کو کروڑوں کی مفت ٹکٹیں دے دی گئیں،صرف 8ماہ میں کتنے افراد نے مفت سفر کے مزے لوٹے؟افسوسناک انکشافات،تفصیلات کے مطابق پاکستان انٹرنیشنل ایئرلائنز ( پی آئی اے) کی جانب سے ایک کروڑ 86 لاکھ روپے کی مفت ٹکٹیں اور سفری سہولیات فراہم کرنیکا انکشاف کیا گیا ۔ موصول دستاویزات کے مطابق پی آئی اے کی جانب سے مفت ٹکٹیں امیج بلڈنگ کے نام پر دی گئیں۔دستاویزات کے مطابق جنوری 2018

سے اگست 2018 تک پی آئی اے کی ٹکٹوں پر 3 سو 34 مسافروں نے مفت سفر کیا جن کی مد میں ایک کروڑ 86 لاکھ روپے سے زائد خرچ ہوئے۔نجی ٹی وی کے مطابق موصول ہونے والے دستاویزات کے مطابق امیج بلڈنگ کے نام پر 87 لاکھ 95 ہزار 9 سو 20 روپے کے مفت ٹکٹوں کے تحت من پسند افراد کو مفت سفری سہولیات دی گئیں۔دستاویزات کے مطابق جاری کی گئیں مفت قومی ایئرلائن کی سوشل میڈیا ٹیم اور بیشتر مختلف تنظیموں کو جاری کی گئیں۔

موضوعات:پی آئی اے